【禁晚市】傳統時鐘酒店一日5單都偷笑 - 香港蘋果日報

svetkonews.blogspot.com

新式時鐘酒店以「床上野餐」和「免費加鐘」吸客，冀能在疫情下減少損失，明哲保身捱過艱難時期，有酒店改變策略後生意不跌反升，暫時收支平衡，九龍塘傳統時鐘酒店卻未有因疫情調整價錢。《蘋果》在週末下午到九龍塘直擊，多間時鐘酒店房間「中門大開」，乏人問津。職員空閒坐在接待處或走廊閒聊。其中一家時鐘酒店的主管指，傳統時鐘酒店一直走下坡，疫情前自由行生意佔酒店收入兩成；疫情後正式步入寒冬，「全日冇生意都試過」。另外，在油尖旺區舊式時租賓館更「十室十空」，前枱職員絕望道，「而家唔開夜更，剩係開日更，有人肯畀錢都畀（房）佢啦」。

記者：盧藹雯　馮智敏攝影：劉柏麟

Ben哥（化名）在九龍塘一家開業逾30年的時鐘酒店擔任主管，該時鐘酒店共有10間房，疫情下一日只有兩單生意，有時更全日「拍烏蠅」。他透露老闆早已意興闌珊，房間殘舊亦不願出錢修葺，更遑論想辦法吸客。而即使如此亦拒絕減價，一直維持3小時300元的價格，「如果平時為左谷（生意），減價就係已經去到差唔多（絕路），唔係好現象嚟。」

新式時鐘酒店疫情後即推「免費加鐘」優惠，4小時費用為250元至300元，酒店主要集中在油尖旺區港鐵站出口附近，是年輕人的聚腳點；相對之下，九龍塘比較「隔涉」。Ben哥指現時客人平均年齡起碼50歲，主要是熟客，「佢哋嚟開。多數唔係後生，上年紀」，認為傳統時鐘酒店難吸引年輕人。

未爆疫情前，仍有自由行幫襯，佔酒店近兩成收入，Ben哥指本已走下坡的生意亦未差至見底。惟疫情爆發後斷絕自由行，令酒店生意雪上加霜，「自由行喺度住一晚，唔想住兩千蚊酒店佢咪嚟呢啲地方。呢啲都接，唔係少，而家呢條水路都冇埋啦。」他繼而揭開面前的「數簿」，每一頁的交易紀錄均「一單起，兩單止」。Ben哥笑言一日交易「多過5隻手指都偷笑」。

「呢度嘅命運始終都係收檔，頂多一年半載。」Ben哥對前境感到悲觀。近年，鄰近的時鐘酒店相繼「熄燈」，租予財團建學校，他相信這是大部分時鐘酒店的最終命運，「做貴族學校搵錢又多，唔使自己理，何樂而不為？個個月準時有租收」。

-----------------------------

你敢爆，我敢獎！立即WhatsApp 《蘋果》24小時爆相爆片熱線或致電：63836568

-----------------------------

《蘋果》英文版免費試睇：了解更多

英文版已登錄《蘋果》App，立即下載/ 更新：iOS / Android

-----------------------------

《本土情味》結集《飲食男女》雜誌經典欄目「老字號」文章，記錄香港40家飲食老店的動人故事，見證香港飲食史的甜酸苦辣。即日起，於各大便利店及書報攤有售，並於《蘋果日報》你的優惠網上獨家發售！

Let's block ads! (Why?)